Leiðin að nýju heimili endar hér
Af hverju blanki?
Hækkaðu greiðslubyrðina
Af hverju blanki?
Ekkert breytist
Af hverju blanki?
Engin heimild
Af hverju blanki?
Blankatölur | Tekjur
Mikill jöfnuður í hópi viðskiptavina Blanka
Öfugt við flesta banka á Íslandi þá standa viðskiptavinir Blanka nokkuð jafnfætis. Samkvæmt upplýsingum frá greiningardeild blanka eru útborgaðar tekjur viðskiptavina jafnan á bilinu 285.808kr. til 475.667kr. á mánuði. Meðaltekjur eru um 316.000kr.
Ábending frá greiningardeild
Athugasemdir hafa borist greiningardeild Blanka um að 316.000kr. meðaltekjur teljist ekki sérstaklega góðar. Öllu betra væri ef þeir væru ögn hærri, til dæmis 388.650kr. eða 466.259kr. Greiningardeild Blanka vill benda lesendum á að svo háum tekjum fylgja ýmis vandamál. Til dæmis gæti fólk þurft að halda heimili eitt og óstutt, hætta sér út á veitingastaði á meðal almennings eða fara í kvikmyndahús á mynd sem gæti reynst leiðinleg.
Mánaðarvelta í hæstu hæðum
Alls voru greiddar inn 5.886.764.000kr. á reikninga viðskiptavina Blanka um mánaðamótin. Þar af fóru á bilinu 51-75% útborgaðra launa í rekstur á húsnæði, svo sem afborganir á lánum á bestu mögulegu kjörum fyrir Blanka.
„Mér finnst rosalega gott að eyða bara 51-75% útborgaðra tekna í rekstur á húsnæði”
– Kristján Hjálmtýsson
Blankatölur | Fasteignir
Sterkari saman
Samantekt greiningardeildar Blanka sýnir að um 42% viðskiptavina blanka velur að ýmist búa í foreldrahúsum eða taka þátt í öflugum leigumarkaði með því að greiða leigusölum meirihluta tekna sinna. Þetta sýnir að minni áhugi virðist vera á íbúðakaupum þrátt fyrir að Blanki bjóði upp á húsnæðislán á bestu mögulegu kjörum. Allavega fyrir Blanka.
Leitin að húsnæði endar hér
Greiningardeild Blanka hefur lagst yfir öll fyrirliggjandi gögn og komist að því að það er betra að fólk hafi þak yfir höfuðið. Því höfum við tryggt að húsnæðislán séu öll á bestu mögulegu kjörum (fyrir Blanka) og að einungis rétt rúmur þriðjungur viðskiptavina fái synjun á greiðslumati vegna fasteignakaupa.
Stærri lán, sterkari Blanki
Útlánastarfsemi er þungamiðjan í Blankamódelinu og viljum við gera sem allra flestum kleift að taka lán. Þá skiptir auðvitað öllu máli að viðskiptavinirnir geti greitt af láninu. Einungis 16% viðskiptavina lenda reglulega í vanskilum með húsnæðislán og þá hafa ekki nema 36% viðskiptavina þurft að sækja um endurfjármögnun.
„Að eiga ekki fyrir óvæntum útgjöldum kryddar upp á tilveruna”
– Jói Sætran
Blankatölur | Greining
Útgjaldagreining greiningardeildar
Viðskiptavinir blanka virðast margir borða að minnsta kosti eitt epli á dag enda sýnir sundurliðun greiningardeildar á útgjöldum viðskiptavina að þeir verja fjármunum sínum almennt ekki í læknisheimsóknir eða lyf. Það er heillamerki að viðskiptavinir Blanka hafi tamið sér sparsemi og eyði ekki um efni fram. Það vekur þó athygli að allt að 60% félagsmanna blanka ná ekki að mæta óvæntum útgjöldum þegar eitthvað á bjátar.
Aðvörun frá Blanka
Við vekjum athygli viðskiptavina á nýjum reglum um innborganir á reikninga á vegum Blanka. Flestar innborganir umfram hefðbundnar tekjur, svo sem söluhagnaður, fjármagnstekjur, fjármagnstekjur maka eða barna og allar aukatekjur af vinnu, eru háðar ströngum skilyrðum og áskilur Blanki sér rétt til að halda eftir stórum hluta þessarra tekna. Með þessu getur Blanki tryggt áframhaldandi rekstur og komið í veg fyrir að viðskiptavinir fari sér að voða með óhóflegri neyslu.
„Ég er alltaf að læra eitthvað nýtt um vanskil, dráttarvexti, endurfjármagnanir og synjanir”
– Rut Helga Valsdóttir
This is just a placeholder headline, we will replace it once your website copy is finalized.
This is just placeholder text. Don’t be alarmed, this is just here to fill up space since your finalized copy isn’t ready yet. Once we have your content finalized, we’ll replace this placeholder text with your real content.
Skráðu þig sem félagsmann
